Como se fixo: #SDT10 – Vudú

Vudú (antes Voodoo) son Belém Tajes ao teclado e á voz e Maritxinha ao baixo. Coñecémolas de casualidade no backstage do Festival Revenidas 2017, e aproveitamos o merchandising das Sesións Destelo que levaba no peto para subornalas e facerlles a proposta “indecente” de participar deste proxecto. Quedamos de falalo, e falámolo: tras barallar localizacións e cadrar datas conseguimos sacar á luz esta pequena marabilla que deron en chamar “Preludio da Lúa”. Fermoso tema, non si?

Read more “Como se fixo: #SDT10 – Vudú”

Mielitza nas Sesións Destelo

Como se fixo: #SDT09 – Mielitza

Parece difícil de crer, pero o xermolo desta sesión ten case un ano de antigüidade. Foi, precisamente, na semana da estrea da primeira sesión que realizamos cando Produtriz se interesou polo proxecto. Daquela estaban as cousas máis ou menos pechadas, pois, como moitas sabedes, este proxecto naceu como un Traballo de Fin de Grao. Ese foi o motivo de que non puideramos materializar antes a colaboración. Co comezo da segunda tempada vimos o momento perfecto para retomar o contacto con Bea e falounos de Mielitza: desta si, chegou o golpe certeiro.

Read more “Como se fixo: #SDT09 – Mielitza”

Como se fixo: #SDT08 – O Gato de Cheshire

O Gato de Cheshire é un personaxe ficticio do folclore inglés que Lewis Carroll popularizou ao incluílo no seu libro Alicia no país das marabillas. Trátase dun felino moi singular, pois pode desaparecer e aparecer ao seu gusto. Gusta de facelo aos poucos deixando ver só o seu sorriso: afirma ademais que  probablemente todas vimos gatos sen sorrisos, pero nunca un sorriso sen gato… ata hai ben pouco, cando nacía un grupo homónimo cargado de sorrisos e boa música, pero sen rastro do animal. Eles, co seu peculiar estilo, fan coma o gato de Alicia: son dadores de consellos e reflexións filosóficas, pero fano arroupados da base de guitarra de Jonathan e das melodías de Isma ao violín. Non en van, Jonhatan, ademais de facer música, é filósofo e director da Revista Lume.

Read more “Como se fixo: #SDT08 – O Gato de Cheshire”

Como se fixo: #SDT07 – MJ Pérez

Meses de esforzo e algún tamén de pasotismo, recoñezámolo. Correos electrónicos van e veñen, repaso de materiais, planificación de datas… Custou, pero chegou por fin. Arrancamos xa a segunda tempada das Sesións Destelo! A inercia do traballo ben feito vainos ir arrastrando durante semanas por unha serie de vídeos musicais de artistas que fan música en galego: xa non hai volta atrás. Culpables de que isto funcione hai moitas, pero unha delas é María José, ou, o mellor dito, MJ Pérez.

Read more “Como se fixo: #SDT07 – MJ Pérez”

Como se fixo: #SDT06 – Flúe

Flúe foi a banda encargada de pechar a primeira tempada das sesións Destelo. Afincados en Santiago, levan un ano e medio tocando como Flúe, pero a experiencia musical vén de lonxe, xa que os seus membros estiveron noutras bandas como Invivo ou Tungsteno. A idea de participar nas Sesións veu da man de Piedra, dos Deseqilibrio Mental: comentoulles que había un proxecto de gravacións acústicas para grupos que tiñan letras en galego, así que se animaron a probar.

Read more “Como se fixo: #SDT06 – Flúe”

Como se fixo: #SDT05 – Contenedor de Mierda

Hoxe imos falar dun dos grupos co nome máis estraño de Galicia. De feito, e segundo a revista Pentavox, o gañador nesa categoría. Cousas do destino, deuse a casualidade de que eu estiven eu estiven alí cando se fundou… ou algo así. Lembro perfectamente que foi na Sala Malatesta, tempo antes de que se chamase así pero posterior aos xa pretéritos da Sala Nasa. Como o achegamento ao nome foi oral, non acababa de quedarme claro se ían ser Contenedor de Mierda ou Con Tenedor de Mierda, e a verdade é que esa bipolaridade me gañou para sempre. Lin nalgunha ocasión unhas declaracións do Carrabouxo nas que dicía que os xogos de palabras son “moi agradecidos”: aquí a proba empírica.

Read more “Como se fixo: #SDT05 – Contenedor de Mierda”

Como se fixo: #SDT04 – Deseqilibrio Mental

Hoxe imos falar de Deseqilibrio Mental. DESEQILIBRIO, con Q sin U. Son uns amigos da Casalonga que levan unha chea de anos facendo ruído dispostos a rachar cos Séculos Escuros e a defender o seu, que é tamén o noso. A súa irreverencia é exemplar, e os seus directos cheos de metal pesado e demoledor. Como somos especialiños, nas Sesións Destelo quixemos baixarlles o automático para ver de que eran capaces sen amplificadores e distorsión… e, oístes? Nin tan mal!!

Read more “Como se fixo: #SDT04 – Deseqilibrio Mental”

Ruxe-Ruxe

Como se fixo: #SDT03 – Ruxe-Ruxe

Rock da terra, rock do país! Que orgullo contar nas Sesións Destelo cunha banda coma os Ruxe-Ruxe, con tanta estrada e tantos contos ás costas!! E é que levan máis de 20 anos xirando por todo o país e parte do estranxeiro. Son herdeiros do bravú, pero musicalmente xa non teñen tanto que ver co que facían naquel primeiro disco, Ruxe-Ruxe, de finais do século pasado. Evolucionaron, coma o mundo. Hoxe séntense cómodos soltando trallazos de rock e punk que ateigan os festivais e salas galega, así coma os reprodutores musicais de moita xente. Nós, hai uns meses, conseguimos convencelos para que deixasen de lado os amplificadores por un día 😉 . Read more “Como se fixo: #SDT03 – Ruxe-Ruxe”

Como se fixo: #SDT02 – Medomedá

Pois nada, que andaba eu hoxe todo ledo e cheo de emoción pola estrea do segundo vídeo de Medomedá, cando de súpeto leo no Facebook unha nova desas que che deixan o sorriso torto: os Medomedá volven para marchar! 🙁 Demo de rapaces! Póñennos os dentes longos co seu regreso para logo truncar a ilusión. Unha nova triste para a música en xeral e para o rock galego en particular. Pero bueno, polo menos avisan e ofrecen unhas datas onde poder despedilos. Con nós xa o fixeron, como sabedes, na segunda Sesión Destelo 😉

Read more “Como se fixo: #SDT02 – Medomedá”

Ferro a fondo co lume no lombo

Como se fixo: #SDT01 – Alberto Busto

En febreiro do presente ano deron comezo as Sesións Destelo. O proxecto víñase cocendo dende bastantes meses atrás, pero foi un sábado do mes de entroido cando tivo lugar o primeiro paso en firme. Para evitar tropezar, o mellor, tirar de amizades: Alberto Busto, que ademais dun gran músico, resulta que tamén é colega. É coñecido por dar tralla e berrar cos Arrhythmia, mais ás veces colga a guitarra acústica do pescozo e pon o traxe de cantautor… coas influencias bastante claras, iso si.

Read more “Como se fixo: #SDT01 – Alberto Busto”